UNTL-FMCS ENTREGA ESTUDANTE NA’IN 533 PRÁTIKA KLÍNIKA NO PRÁTIKA SAÚDE KOMUNITÁRIA

Escrito por Adelaide da Cunha Visualizações: 536
242276394 4607871829234166 5241278268567077462 n
#TimorLeste #UNTL #FMCS #COVID19# COVID19TL 25 Outubru 2021 - Universidade Nacional Timor Lorosa’e (UNTL), liuhusi Fakuldade Medisina Siénsia Saúde (FMCS) nia Departamentu Parteira no Departamentu Enfermajen dezloka estudante na’in atus lima tolu nulu resin tolu (533) hala’o Prátika Klínika no Prátika Saúde Komunitária iha Munisípiu lima (5) hanesan: Covalima, Baucau, Ainaro, Bobonaro no Manatuto.
 
245769487 4607872192567463 1653452655444015214 n
 

246371013 4607873639233985 8615453728475710929 n

Dekanu FMCS nian, Profésor José Dionisio Ximenes, iha Kampus FMCS UNTL Kaikoli nian, Dili (25/10), hateten, liuhusi estájiu ne’e atu eleva estudante sira nia kapasidade no koñesimentu kona-ba abilidade téknika oinsá bele halo atendimentu ba pasiente no komunidade sira iha terenu.
“Estudante sira aprende no hakarak sai futuru profisionál tenke aprende oinsa prátika ho karakter komunidade nian no servisu ho komunidade, lideransa, inklui halo adaptasaun, espera katak sira bele aprende no haklaken servisu durante estájiu iha komunidade nia le’et”, tenik Dekanu FMCS.
 
241546506 4607876422567040 973981999124026436 n
 
248357719 4607875719233777 2647643342101797555 n
 
Iha fatin hanesan, estudante Departamentu Parteira, Julita Madeira Moniz, hateten, sei aplika koñesimentu ne’ebé hetan iha teoria, liuhusi prátika iha ospitál sira ne’ebé mak departamentu dezloka.
“Objetivu husi estájiu ne’e, ami atu ba implementa saida mak ami aprende tiha ona iha Universidade, liuliu iha área Parteira nian” dehan Julita.
 
245750907 4607872892567393 7633977433629830269 n
 
245937430 4607873839233965 7612030704023095762 n
 
Estájiariu Departamentu Enfermajen, Francisco António da Costa, dezeja katak, sei partilla matéria ne’ebé durante ne'e aprende hodi aplika iha terrenu hamutuk ho komunidade.
“Ami sei esforsu atu implementa planu ne’ebé diak iha komunidade nia le’et nomós lori komunidade hakbesik an ba fasilidade saúde nian” tenik estudante Francisco.
 
241479412 4607874649233884 1181290840846991436 n
 
247628427 4607872552567427 8473188766623613068 n
 
Estudante sira husi Departamentu Parteira hala’o Estájiu durante fulan tolu, iha Ospitál Referal Suai, Maubisse, Baucau no Maliana, nomós Departamentu Enfermajen sira ba hala’o estájiu durante fulan rua iha Munisípiu Manatuto, Postu Administrativu Laclo, Suku Laco Mesak no Uma Naruk.
Bazeia ba totál estudante etajiáriu 533 kompostu husi Departamentu Parteira (388) no Departamentu Enfermajen (145).
Média UNTL 📝: Denilson A. Barros
Foto 📷: Pio BeLo Ximenes