- Detalhes
- Escrito por Mateus Goncalves
- Visualizações: 424
Universidade Nacional Timor Lorosa’e (UNTL) nia Magnífiku Reitór Prof. dr. João Soares Martins MPH, Ph.D ho nia estrutura akompaña husi Ministru Ensinu Superior Siénsia no Kultura (MESC) S.E. José H. da Costa P. Jerónimo halo audiénsia ho Komisaun G Parlamentu Nasionál ne’ebé trata Asuntu Edukasaun, Juventude, Kultura no Sidadania hodi diskute Orsamentu Jeral Estado (OJE) 2024, iha sala reuniaun Komisaun G, Díli (05/12).
Iha entrevista Reitór UNTL hateten OJE 2024 nian ne’ebé aloka ba UNTL ho montante millaun 17 kobre prioridade ba Tripla Misaun universidade nian hanesan Ensinu, Peskiza no Servisu Komunitária.
“OJE 2024 nian ne’ebé aloka mai UNTL hamutuk millaun 17,281,336 ne’ebé fahe ba kategoria 5 mak hanesan Saláriu no Vensimentu, Bens Serbisu, Kapital Minór, Kapital Dezenvolvimentu, Transferénsia Públika. Nune’e, tinan oin sei fó prioridade nafatin Tripla Misaun universidade nian hanesan, Ensinu, Peskiza no Servisu Komunitaria” hateten Reitór.
Reitór mós hatutan preokupasaun UNTL nian mak infraestrutra ne’ebé limitadu tebes maibé dadaun ne’e konstrusaun ba edifísiu balun la’o hela no sei konstrui tan edifísiu foun balun iha tinan ne’e.
“Preokupasaun agora iha UNTL mak infraestrutura, maibé agradese dadaun ne’e edifisísu balun iha hela faze konstrusaun hanesan Fakuldade Agrikultura nian, espera katak tinan ida ne’e bele remata, nune’e mós edifísiu foun ba Instituto Nacional de Linguística (INL) iha hela prosesu tenderizasaun” hatutan Reitór.
Iha tinan 2024 UNTL propoin tan edifísiu foun laboratóriu integradu hamutuk ho Fakuldade Siénsia Ezata nian iha Hera.
Partisipa iha Audiénsia ne’e Visereitór ba Asuntu Administrasaun Finansas no Administrador Jerál Profesór Helio A. X. Mauquei, Visereitora ba Asuntu Estudantís Prof. Dra. Lígia Tomás Correia, Proreitór ba Asuntu Planeamentu Monitorizasaun no Avaliasaun, Profesór Dr. José Nelson Salsinha, Diretór Nasional Planu Finansas, Sr. Egídio do Santos Filipe no membru Komisaun G Parlamentu Nasional.
#TimorLeste #UNTL #MESSC #KomisaunGPN 5 Dezembru 2023
Média UNTL 📝: Agostinho da Cruz
Foto 📷: Agostinho da Cruz
- Detalhes
- Escrito por Mateus Goncalves
- Visualizações: 466
Universidade Nacional Timor Lorosa’e (UNTL) liuhusi Faculdade de Medicina e Ciência da Saúde (FMCS) nia Visedekanu Profesór Carlos B. Tilman reprezenta Dekana hodi abertura debate ho tema “Haboot koñesimentu iha peskiza no debate sei kontribui ba formasaun rekursu umanu ne’ebé kualidade” durante loron rua (04-05), iha salaun Instituto Nacional de Saúde (INS) Comoro, Díli.
Visedekanu Asuntu Kooperasaun, Peskiza no Kontrolu Kualidade, Profesór Carlos B.Tilman hatete, debate ne’e atu reforsa estudante sira iha área saúde nian, bele mellora koñesimentu hodi aprende siénsia di'ak liután.
“Espera liuhusi debate ne’e, fó rezultadu ne’ebé di'ak liuliu pontu de vista akadémiku nian no sai hanesan referénsia iha termu hodi aprende di'ak liután, kona-ba moras no debate asuntu Asian Parlamentar. Ne’e hodi haree liuba rekursu iha área formasaun ensinu superiór nian,”dehan Profesór.
Iha fatin hanesan Prezidente Komisaun Organizadora Ofelia Falda Antonia Freitas hateten, debate ne’e ho tipu rua Debate Sientífiku no Debate Asian Parlamentar atu aumenta koñesimentu estudante sira-nian iha parte ida bele koko estudante sira-nia mentalidade.
“Debate ida-ne’e fahe ba tipu rua debate sientífiku no debate asian parlamentar atu mellora estudante sira-nia konesimentu iha área saúde nian no oinsa debator sira buka argumentu pro no kontra ba mosaun ne’ebé sira hetan.
Debate sientífiku kompostu husi departamentu haat mak hanesan Medisina Geral, Parteira, Enfermagem no Farmasia. Debate asian parlamentar ne’e inkliu hotu departamentu 6 husi Medisina Geral , Parteira, Enfermajem, Farmasia, Ciências Biomédicas e Laboratoriais no Nutrição” hatete Ofelia.
Partisipa iha atividade ida ne’e estrutura fakuldade nian, dosente, estudante no konvidadu sira.
#TimorLeste # UNTL #FMCS 05 Dezembru 2023
Média UNTL 📝: Eugenia de Jesus
Foto 📷: Pio Ximenes
- Detalhes
- Escrito por Mateus Goncalves
- Visualizações: 310
Universidade Nacional Timor Lorosa’e (UNTL) nia Visereitora ba Asuntu Estudantís, Profesora Lígia Tomás Correia M.Sc, reprezenta Magnífiku Reitór hodi partisipa iha espozisaun no selebrasaun loron Poupansa Nasionál Dasia no Kampu Dijitál Datoluk ne’ebé organiza husi Banku Sentral Timor -Leste (BCTL), iha resintu Timor Plaza, Díli (29/10).
Iha selebrasaun ne’e organiza husi Banku Sentral Timor-Leste (BCTL) no importante tebes atu fahe informasaun ba ema hotu hodi envolve aan no hatene halo poupansa ba sira-nia osan iha sistema literasia dijitál husi BCTL.
Partisipa husi Primeiru-Ministru(PM) Kay Rala Xanana Gusmão, Governadór BCTL, Sr. Helder Lopes ho membru sira, membru governu sira, reprezentante instituisaun finanseiru no konvidadu sira.
#TimorLeste #UNTL #PM #BCTL 30 Novembru 2023
Média UNTL 📝: Eugenia de Jesus
Foto 📷: Altur Ramos
- Detalhes
- Escrito por Mateus Goncalves
- Visualizações: 327
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, prezide serimónia Isar-Bandeira iha semana dahuluk fulan Dezembru nian, ne’ebé realiza iha Kampus Sentral UNTL nian, Díli (04/12).
Iha diskursu Reitor hatete, ohin la senti tama ona ba dezembru hodi selebra loron natal, tanba ne’e husu ba funsionáriu sira atu isar-bandeira kada fulan ida dala ida.
“Ha’u hanoin eventu isar-bandeira ne’e importante ba ita hotu nu’udar servidór estudu nian. Tanba ne’e husu ba sivitas tomak universidade nian atu partisipa ativu liután iha tinan oin (2024).
Tinan oin ita tenki iha ona lista prezensa iha loron isar bandeira atu nune’e asegura ita-nia partisipasaun. Ida ne’e tenki kaer metin para ita bele servi didi’ak nasaun no povu ne’ebé tau sira-nia fiar mai ita, liuliu inan-aman sira ne’ebé mak haruka sira-nia oan eskola iha UNTL. Ida-ne’e ezise ita hotu ninia determinasaun, koviksaun, vontade di’ak atu bele servi nasaun ida-ne’e”, dehan nia.
Atividade Isar-Bandeira ba fulan Dezembru nian, responsabiliza husi Faculdade de Filosofia no Faculdade de Ciências Exatas.
Partisipa husi Visereitór, Proreitór, Diretór Jerál, Diretór Nasional, Diretór Departamentu, Dekanu, Dosente, Funsionáriu no Estudante sira.
#TimorLeste #UNTL 4 Dezembru 2023
Média UNTL 📝: Altur Ramos
Foto 📷: Agostinho da Cruz
- Detalhes
- Escrito por Mateus Goncalves
- Visualizações: 331
Universidade Nacional Timor Lorosa’e (UNTL) nia Profesora Ligia Tomas Correia M.SC, reprezenta Magnífiku Reitór hodi partisipa iha selebrasaun Loron Mundial Siénsia ba Páz no Dezenvolvimentu ho tema “ Promover a Investigação Científica para o Desenvolvimento Nacional de Timor-Leste “ iha salaun Ian Martin, Balide Díli (30/12).
Selebrasaun refere organiza husi Instituto Nacional de Ciência e Tecnologia (INCT), ho objetivu atu haree ba papel siénsia nian iha sosiedade nune’e ema bele dezenvolve siénsia ho di’ak liuhusi estudu no peskiza. Aleinde ne’e, INCT mós lansa jornál sientífiku ida ba peskizadór sira bele públika sira-nia obras sientífiku.
Partisipa husi Ministru Ensinu Superiór Siénsia no Kultura (MESCC), S.E. José Honório da Costa Perreira, Prezidente Institutu Politékniku Betano (IPB), Profesór Acácio Cardoso Amaral, Reitór husi universidade sira, membru governu no eis membru governu sira, diretór no dosenti sira inklui konvidadu sira.
#TimorLeste #UNTL #MESCC #INCT 30 Novembru 2023
Média UNTL 📝: Eugenia de Jesus
Foto 📷: Altur Ramos