- Detalhes
- Escrito por Mateus Goncalves
- Visualizações: 25802
UNTL liuhosi Pro-Reitór Assuntus Garantia Kontrolu Kualidade Interna, loke vaga-kontratu ba Funsionárius Kazual (kontratadu) nain lima (5).
Ba sira ne'ebe iha interesse atu hetan an informasaun no aplika bele hare'e iha anexus tuir mai ne'e ba detalles, kriteria no oinsa aplika no informasaun sel-seluk tan.
Vagas loke hosi loron 20 to'o 22 fulan Marsu 2019.
- Detalhes
- Escrito por Mateus Goncalves
- Visualizações: 36695
#UNTL, 12 fevereiru 2019
Xefe Departamentu Komunikasaun Sosiál, Fakuldade Siénsia Sociais, Professora Dominica Dwikori Sitaresmi, no Koordenador Rádiu Akadémika, Miguel Conçalves ho Xefe Redasaun Rádiu Akadémika Maria Isabel F. Moreira, no Profesór Konvidadu Doutór Emanuel Braz, hasoru malu ho Sr. José Sousa, Country Manager hosi AVI (Australian Volunteers International) hodi ko’alia kona-ba possibilidade atu destaka volutáriusAustralianu nain tolu (3).
Voluntáriu Australianu nain rua (2) atu integra no suporta ekipa Multimédia no Rádiu Akadémika (FM 90.00 Mhz) UNTL nian hodi suporta atividade sira outreach no komunikasaun universidade nian nomós fó formasaun prátika ba estudante sira Komunikasaun Sosial nian, no AVI ida (1) tan atu suporta tékniku mós iha Biblioteka Sentrál no biblioteka iha fakuldade hamutuk sia (9) UNTL nian.
Country Manager Sousa hatete katak iha duni possibilidade, no AVI suporta tiha ona voluntáriu balun iha UNTL laran liuhusi English Language Centre (#ELC) iha tempu liubá.
Iha biban ne’e Country Manager AVI nian mós espressa katak AVI sei konsidera suporta ne’e liuhusi aplikasaun formál, ne’ebé sei hato’o husi estrutura UNTL nian ba AVI iha tempu ruma tuir mai, nomós kona-ba kustus deslokasaun no akomodasaun no seluk tan ba voluntáriu idak-idak, AVI mak sei kobre, karik parseiru la bele atende rasik.
Média UNTL
Fotos : Média UNTL
- Detalhes
- Escrito por Mateus Goncalves
- Visualizações: 5345
#UNTL, 11 fevereiru 2019
Pesoál limpeza UNTL nian lorloron garante katak área kampus hotu iha Universidade Nasional Timor Lorosa’e (UNTL) mantein kondisaun no padraun moos no ijiéniku a’as atu proteje saúde estudante no funsionáriu, inklui dosente no vizitante sira, liuhosi tau matan ba fasilidade sira no edifísiu, ho efisiente, organizadu no seguru.
“Atu garante ambiente moos UNTL halo kontratu ho kompañia para aloka pesoál servisu limpeza nian hodi hamoos loron-loron. Kompañia ne’ebé ita kontratu maka kompañia Asmatete”, hateten Administadór Jerál UNTL, Lourenço Rodrigues iha Kampus Sentral.
Iha fatin hanesan pesoál servisu limpeza, Isaias da Costa, hateten katak servisu limpeza loroloron nian hala’o ho regulár maibé dala ruma kondisaun tempu, hanesan udan boot, bele mós impaktu servisu.
Maske nune’e, “ami ne’ebé halo limpeza iha UNTL hala’o servisu iha oras walu nia laran,” dehan Costa.
Média UNTL / Estajiaria: Cesarina de Carvalho
Foto: Moises do Rego
- Detalhes
- Escrito por Mateus Goncalves
- Visualizações: 3879
#UNTL, 11 fevereiru 2019
Reitór Universidade Nacional Timor Lorosa'e (UNTL) Profesór Doutór Francisco Miguel Martins, hetan vizita kortezia husi Country Director KOICA nian, Sr. Sikhyou Kim, no Deputy Country Director Ms. Hanul Park, iha Campus Central UNTL nian, iha Dili.
Reitór Martins hato’o boasvindas ba Country Director Kim tamba foin primeira-vizita ba universidade nasional Timor Lorosa'e UNTL hodi koalia kona-ba kontinuasaun kooperasaun valioza entre UNTL no KOICA Timor-Leste iha area Edukasaun no seluk, nomós ho bolsa de estudu ne’ebé oferese ba estudante nível akadémiku nian iha Timor-Leste.
Média UNTL
Foto: Mateus Gonçalves
- Detalhes
- Escrito por Mateus Goncalves
- Visualizações: 4722
#UNTL, 11 fevereiru 2019
Sentru Língua Ingleza (English Language Centre-ELC) nu’udar sentru formativu ida ne’ebé tutela iha Fakuldade Edukasaun Arte no Umanidade (FEAH) iha Universidade Nasional Timor Lorosa’e (UNTL) hodi halo formasaun ba estudante, dosente, no funsionáriu sira, kona-ba a akizisaun no abilidade di’ak liu ho dalen Inglés nian ba nível akadémiku no profissionál nian.
Diretór ELC nian Profesór Jorge Guterres da Conceição, hateten katak sentru língua ne’e estabelese iha tinan 2014, liuhosi kooperasaun entre UNTL nian ho Governu Austrália liuhusi East Timor English Language Program (ETELP).
“Dezde 2014, sentru ne’e fasilita estudante sira atu prátika sira-nia abilidade iha dalen Inglés, ho métodu hanorin no aprende ho halimar oinsa estudante sira bele ko’alia ingles”, haktuir tan Diretór ELC.
Iha fatin hanesan Diretór ELC Profesór Conceição hatutan tan katak atividade ne’ebé sentru ne’e hala’o maka dezenvolve métodu hanorin iha dalen Inglés, no fasilita formasaun ba estudante, dosente, no funsionáriu sira nomós fó teste ba kandidatu pós-graduasaun mestradu.
Entretantu Dekanu FEAH Professor Pedro Soares konsidera ELC importante tebes ba sivitas akadémiku sira ne’ebe inklui estudante, dosente, no funsionáriu sira nomós komunidade atu aprende dalen ingles.
“Fakuldade nia esperansa ba oin, ELC sei lori benefísiu ba joven timoroan sira bele kualifikadu iha língua Ingleza”, espresa Dekanu.
Atu asesu ba Sentru Língua Ingles (ELC) bele ba vizita Campus Liceu Dr. Francisco Machado, UNTL, ka bele konfirma liuhusi enderesu email Este endereço de email está protegido contra piratas. Necessita ativar o JavaScript para o visualizar..
Média UNTL / Estajiáriu: Salvador da Costa
Foto: Moises do Rego