Universidade Nacional Timor Lorosa’e (UNTL) liuhusi Faculdade Ciências Sociais (FCS) nia Prezidente Asosiasaun Akadémika Estudantíl FCS nian ho estrutura partilla ba estudante foun 2025 kona-ba Papél Asosiasaun Akadémika Estudantíl Fakuldade (AAE-FCS), liuhusi sesaun semináriu Orientasaun Akadémika nian.
Prezidente AAE-FCS Cesaltino de Jesus partilla informasaun kona-ba papél Prezidente AAE nian ba estudante foun tinan 2025 liuhusi semináriu, iha Kampus Kaikoli.
“Asosiasaun Akadémika nia papél oinsá atu halo mudansa mak kria atividade ekstrakurrikulár sira hanesan ba iha diskursu, debate, atividade formasaun lideransa, nomós hakerek artigu sientífiku hodi kapasita estudante sira ne’ebé tama iha UNTL liuliu FCS”, Dehan Cesaltino iha Kampus Kaikoli Díli (24/03).
Iha fatin hanesan estudante foun husi Departamentu Relasaun Internasional, Divenia Esperança Guterres informa, liuhusi semináriu ne’e bele hatene papél husi Asosiasaun Akadémika Estudantíl (AAE).
“Ami hanesan estudante foun foin hatene ona kona-ba papél Asosiasaun Akadémika Estudantil hafoin partilla husi oradór na’in-tolu AAE nian liuhusi semináriu ida-ne’e”, dehan estudante.
Iha semináriu refere oradór sira husi Asosiasaun Akadémika Estudantíl iha orgaun tolu hanesan Prezidente Ezekutivu, Prezidente Fiskal nomós Prezidente Reuniaun Jeral hodi partilla sira-nia funsaun nomós enkoraja estudante foun sira futuru bele partisipa iha atividade estrakurrikulár sira.
Media UNTL
: Domingos Amaral
: Domingos AmaralFoto
: Saturnina de Jesus
: Saturnina de Jesus