Universidade Nacional Timor Lorosa'e (UNTL), nia Faculdade de Engenharia Ciência e Tecnologia (FECT), konvida oradór sira husi JICA (Japan International Cooperation Agency) no Kompañia Caltech hodi partilla informasaun ba estudante sira kona-ba redús lixu iha Timor-Leste, iha ámbitu orientasaun akadémika iha FECT 2025.
Reprezentante estudante foun husi Departamento de Engenharia Civíl-FECT, Mariano R.D. Freitas, dehan, orgullu bele hetan informasaun husi JICA no akompañia Caltech, kona-ba halo resiklajen nune'e bele hamenus problema lixu iha Timor-Leste liuliu iha Munisípiu Díli.
"Orgullu ho Kompaña Caltech no JICA bele partilla ona informasaun mai ami, nune'e rekomenda ba atu bele fahe mós esperiénsia ba iha área rurál sira kona-ba oinsá bele redus lixu no halo resiklajen ba lixu nune'e bele loke sosiedade nia hanoin atu bele fó parte pozitivu mai ita-nia nasaun", Dehan Mariano iha Auditóriu FECT-Hera, Díli (24/03).
Iha fatin hanesan, oradora husi Kompañia Caltech Sra. Joana de Araújo, hateten konteúdu ne’ebé partilla kona-ba prosesu kolleta lixu no halo resiklajen iha Timor-Leste.
"Agradese ba JICA no FECT bele konvida ami hodi partilla hanoin ba alin estudante sira kona-ba, oinsá atu redús lixu iha Timor-Leste no halo resiklajen ba lixu. Kontente, tanba haree alin estudante sira iha interese hodi halo atividade resiklajen, no espera liuhusi atividade ne'e bele aumenta tan koñesimentu ba sira", Tenik Oradora Araújo.
Oradór sira mak hanesan, representante JICA nian, Sr. Takaaki San no Oradora husi Kompañia Caltech Sra. Joana de Araújo.
Partisipa husi, Vise-Dekanu Asuntu Akadémika FECT nian, Profesór Tomás Soares Xavier, Ekipa husi JICA no Caltech, Senadu FECT nian no estudante sira.
Media UNTL
: Denilson Amandio Barros
: Denilson Amandio BarrosFoto
: Denilson Amandio Barros
: Denilson Amandio Barros