
Universidade Nacional Timor Lorosa’e (UNTL) liuhusi Faculdade de Educação Artes e Humanidades (FEAH) iha prioridade lima (5) mak hanesan, Estájiu Pedagojia, Investigasaun, FEAH Games, Semana Kultural no Akizisaun Materiál Laboratóriu.
Dekanu FEAH nian, Profesór Teodoro Soares hatete, pakote orsamentu ne’ebé simu husi Estrutura UNTL nian, sei ezekuta ba programa lima ne’ebé sai prioridade ba 2025.
“Normalmente ami iha planu programa lima hanesan Estájiu Pedagójia, Investigasaun, FEAH Games, Semana Kulturál no Akizisaun Materiál Laboratóriu, ha’u esforsu atu hadia laboratóriu sira hanesan, 30 unidade ba laboratóriu Informátika no sosa materiál bázika ba laboratóriu Fízika, Kímika no Biologia, tanba laboratóriu sira-ne’e ita tama ba laran ekipamentu laiha, tanba ne’e presiza atu hadia”, dehan Profesór Teodoro iha knar fatin Kampus Liceu, Díli (21/1).
Dekanu ne’e hatutan, fakuldade liuliu estrutura sei hala’o atividade prioridade ne’ebé define ona hodi kontribui ba mellora FEAH iha UNTL.
Média
: Leonia de Araújo da Costa

Foto
: Eugenia de Jesus Guterres
