Universidade Nacional Timor Lorosa'e (UNTL) nia Dekanu Faculdade de Economia e Gestão (FEG) Profesór Filipe Mendes Pereira iha Kampuz FEG, Díli (21/01) hatete, planu prioridade FEG nian ba tinan 2025 ne'e foku ba área rua mak hanesan: Revisaun Kurríkulu no Estabelesimentu Labortóriu.
"Iha tinan ne'e planu prioridade atu halo revizaun ba Kurríkulu Padraun Nasional Fakuldade nian ne'ebé antes ne'e atu halo revisaun, maibé orsamentu la sufisiente nune'e iha tinan ne'e ho pakote orsamentu ne'ebé aloka sufisente hodi halo revizaun kuríkulu", Dehan Dekanu.
Dekanu akresenta, fakuldade mós diskute ona hodi tau prioridade ba laboratóriu bazeia ba unidade kurrikulár nia ezijénsia mak atu estabelese laboratóriu komputadór hodi fasilita estudante sira halo prátika.
"Ita iha planu oioin, maibé sei la dook husi Tres Pilares Universidade nian maka Ensinu, Peskiza no Servisu Komunitáriu kontinua lao nafatin iha fakuldade", dehan Dekanu Mendes.
Média 
: Mario J Mendonça
: Mario J MendonçaFoto
: Eugenia de Araujo
: Eugenia de Araujo