#TimorLeste #UNTL #UnicefTimorLeste #MinistériuJustisa #Secoms #COVID19 #COVID19TL 26 Novembru 2021
Universidade Nacional Timor Lorosa’e (UNTL) nia Fakuldade Siénsia Sosiál (FCS) liuhusi Departamentu Komunikasaun Sosiál (DCS) servisu hamutuk ho UNICEF Timor-Leste hodi promove programa rejistu ba sertidaun moris iha Timor-Leste. 
Sertidaun Moris rekoñese internasionalmente nu’udar sertidaun nasionál, ne’ebé prova identidade labarik sira ne’ebé moris iha Timor-Leste. Rejistu Moris mak etapa dahuluk atu fó ba bebé ne’ebé foin moris ho moris ida ne’ebé mak seguru no saudável.
Tan ne’e, halo esforsu atu rejista oan sira-nia moris imediatamente hafoin moris iha eskritóriu rejistu sivil iha ita-boot nia munisípiu, ka husu ajuda ba xefe suku ka xefe aldeia atu hetan oan sira-nia sertidaun moris RDTL husi Governu.
Kritériu ba verifikasaun, inan-aman sira presiza lori dokumentu hanesan tuir mai:
1️⃣ Inan-Aman Sarani tenke lori dokumentu: Sertidaun Baptizmu, Kartaun Eleitorál no Billete Identidade (bainhira inan-aman rejistu ona);
2️⃣ Inan Aman la Sarani ka Jintiu, tenke lori dokumentu: Deklarasaun nasimentu husi Xefe Suku de’it;
3️⃣ Aplikante ne’ebé Sarani tenke: Apresenta sertidaun baptizmu ho rekizitu inan-aman nia dokumentu ka deklarasaun nasimentu husi Xefe Suku;
4️⃣ Aplikante la Sarani ka foin moris, tenke lori dokumentu: Deklarasaun nasimentu husi Xefe Suku, no liuhusi fasilidade saúde bainhira labarik ne'e moris iha fasilidade saúde.
Implementasaun ba programa ne’e, mak formasaun ba estudante sira, estájiu no peskiza ne’ebé envolve husi estudante no dosente sira DCS nian.
Sosializasaun ba programa ne’e, promove husi UNICEF Timor-Leste, Governu liuhusi Ministériu Justisa, UNTL-FCS-DCS, Sekretáriu Estadu Komunikasaun Sosiál no apoiu husi Embaixada Japaun 🇯🇵 nian iha Timor-Leste. 
Média UNTL 📝: UNICEF Timor-Leste
Foto 📷: Arkivu ©UNICEF Timor-Leste/2020/Monemnasi