Universidade Nacional Timor Lorosa’e (UNTL) liuhusi Faculdade de Direito (FADIR) nia Departamento Direito Geral nia Estudante hamutuk na’in-166 partisipa iha Orientasaun Akadémika 2025 ho tema ‘’Construir Pensamento Crítico, Inovativo e de Bom Carácter na Sociadade Académica’’ iha Kampus Sentral UNTL nian, Díli (24/03).
Vise-Decana Asuntu Estudantís FADIR Mestra Pryscilia Ximenes hatete, orientasaun ne’e hala’o atu bele fó koñesementu ba estudante foun sira kona-ba atividade akadémika, extrakurrikular ne’ebé mak eziste iha universidade liuliu fakuldade.
‘’Materia sira ne’ebé divulga ba estudante sira iha ambitu orientasaun ne’e atu bele tulun estudante sira bele iha koñesementu klean kona-ba ambiente ka natureza estuda iha UNTL liu liu iha FADIR tanba estudante sira iha ambisaun ne’ebé makas balu hakarak sai Juiz, Defensor Públika, Advogadu, Asesor no seluk tan’’, Dehan Pryscilia.
Iha fatin hanesan Prezidente Komisaun Organizadora Sergio de Araújo hatete, orientasaun ne’e abertura iha Auditóriu FECT hera no loron dahuluk hodi fó koñesementu ba estudante foun sira.
“Orientasaun ne’e hala’o ho objetivu atu fó koñesementu ba estudante foun sira ne’ebé admitidu mai UNTL hodi hatene ambiente universidade nia sistema, estrutura no regra sira ne’ebé mak vigora iha universidade partikular iha FADIR nian no ha’u mós husu ba estudante sira atu bele aproveita didi’ak materia sira ne’ebé fó husi oradór sira, atu bele sai baze fundamentu ba iha prosesu ensinu tuir mai’’. Dehan Sergio.
Media UNTL
: Laurindo da Cruz Gomes
: Laurindo da Cruz GomesFoto
: Laurindo da Cruz Gomes
: Laurindo da Cruz Gomes