Universidade Nacional Timor Lorosa’e (UNTL) nia Magnífiku Reitór Profesór dr. João Soares MPH,Ph.D hato’o benvindu ba estudante foun tinan akadémiku 2025, liuliu sira ne’ebé konsege rejistadu ona nu’udar estudante UNTL, atu aproveita didi’ak oportunidade hodi aprende.
“Benvidu ba estudante foun sira, ohin ita halo ona abertura ba orientasaun, tanba ne’e husu ba imi hotu atu bele aproveita didi’ak hodi aprende makaas, tanba edukasaun importante hodi produz ema ho kualidade hodi transforma mundu liuhusi siénsia ne’ebé ita aprende”, Reitór dehan iha ámbitu abertura ba orientasaun estudante foun tinan 2025 nian, ne’ebé realiza iha Auditóriu Faculdade de Engenharia Ciência e Tecnologia, Hera, Díli (24/03), .
Prezidente Komisaun Organizadora, atual Visereitór ba Asuntu Akadémika no Garantia Kualidade, Profesór Samuel Venâncio de Sousa Freitas hatete, esforsu sira ne’ebé UNTL halo hodi garante kualidade Ensinu Akadémika nian, tanba ne’e, estudante foun sira tenke esforsu an atu aprende no integra an ba ambiente Universidade nian.
“Ohin Ita halo ona abertura ba orientasaun estudante foun tinan 2025 nian, tanba ne’e estudante foun sira tenke esforsu hodi integra an ba ambiente Universidade nian hodi bele aprende siénsia iha área ida-idak”, dehan Visereitór Freitas.
Partisipa iha abertura ne’e, Visereitór, Proreitór, estrutura fakuldade sira, diretór jerál, diretór nasional, diretór ba sentru sira, xefe departamentu, dosente, senadu, estudante no konvidade sira.
Media UNTL
: Leonia de Araújo da Costa
: Leonia de Araújo da CostaFoto
: Altur Ramos
: Altur Ramos