Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH,Ph.D partisipa iha enkontru AUN (Asean University Networking) no mini workshop, organiza husi Ministériu Ensinu Superiór Ciência e Cultura (MESCC), iha Salun Delta Nova, Díli (18/03), iha ámbitu fortalesimentu instituisional hodi melloria kualidade ensinu superiór.
Objetivu atu promove interkámbiu ho AUN liuhusi MESCC ho parseiru sira ne’ebé kontribui ba dezenvolvimentu ensinu superior iha área espesífika sira ne’ebé bele garantia kualidade asuransia (Quality Assurance-QA) no kualifikasaun exelénsia. Nune’e atividade ne’e fó benefísiu ba instituisaun sira.
Aleinde ne’e liuhusi mini workshop, péritu sira fahe esperiénsia kona-ba oinsá ensinu superior sira iha Timor-Leste nune’e bele hola parte nu’udar membru iha AUN.
Magnífiku Reitór akompaña husi Visereitór ba Asuntu Akadémika no Garantia Kualidade, Profesór Samuel Venâncio de Sousa Freitas, Visereitora ba Asuntu Estudantís, Sra. Lígia Tomás Correia, Proreitór ba Asuntu Kooperasaun nian, Profesór Tomé Xavier Jerónimo.
Partisipa husi Ministru MESCC nian, S.E José Honorio da Costa Jerónimo ho estrutura no funsionáriu sira, Reitór sira husi universidade privadu, prezidente sira husi institutu públiku no privadu sira, ekipa husi AUN no konvidadu sira.
Média
: Leonia de Araújo da Costa
: Leonia de Araújo da CostaFoto 
: Leonia de Araújo da Costa
: Leonia de Araújo da Costa