𝐔𝐍𝐓𝐋-𝐒𝐋𝐊 𝐋𝐀𝐍𝐒𝐀 “𝐊𝐈𝐍𝐆 𝐒𝐄𝐉𝐎𝐍𝐆 𝐈𝐍𝐒𝐓𝐈𝐓𝐔𝐓𝐄 𝐃𝐈𝐋𝐈’’

474177730 122141073692385439 1746646665880172922 n
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH Ph.D hamutuk ho Deputy Chief of Mission Sra. Park Sungheui husi Korea halo lansamentu ba Plaka “King Sejong Institute Dili’’ iha Sentru Lian Korea (SLK), iha Kampus FEG nian, Díli (20/01).
 
Objetivu husi lansamentu Plaka King Sejong Institute Díli mai Sentru Korea iha UNTL hodi promove Lian Korea no nia kultura ba estudante sira. Alende ne'e oferese programa edukasaun ba estudante sira atu estuda no hasa’e interese estudante sira-nian iha Lian Korea inklui sira-nia kultura, ne'ebé sei hanorin direitamente husi dosente Koreanu.
 
Partisipa iha lansamentu ne’e Diretór Sentru Koreanu Sr. José Viegas formadór, funsionáriu, konvidadu inklui estudante sira.
Média 📃: Laurindo da Cruz Gomes
Foto📸: Eugenia de Jesus Guterres