𝐔𝐍𝐓𝐋-𝐏𝐑𝐎𝐉𝐄𝐓𝐔 𝐅𝐎𝐂𝐎 𝐓𝐄𝐑𝐌𝐈𝐍𝐀 𝐎𝐍𝐀 𝐈𝐇𝐀 𝟐𝟎𝟐𝟒 𝐍𝐎 𝐇𝐄𝐈𝐍 𝐏𝐑𝐎𝐉𝐄𝐓𝐔 𝐅𝐎𝐔𝐍

8Z2A5009
Universidade Nacional Timor Lorosa'e (UNTL) nia Vise Reitór ba Asuntu Akadémiku no Garantia Kualidade, Profesór Dr. Samuel Venâncio de Sousa Freitas, informa, projetu FOCO (Formar Orientar Certificar e Otimizar) ne'e kolaborasaun bilateral entre instituisaun rua UNTL ho CAMÕES durante tinan neen termina iha 2024.
 
"Projetu FOCO ne'e termina ona iha 2024, ita hein projetu foun ne'ebé rezulta husi kolaborasaun husi UNTL ho CAMÕES, enkuantu hein projetu foun atividade ne'ebé ita-nia dosente sira halo kontinua nafatin", Dehan Visereitór iha Kampus Sentral, Díli (16/01).
 
Visereitór salienta, projetu FOCO durante ne'e nia atividade fó Formasaun, Orientasaun, Sertifikasaun no otimizasaun ba dosente sira iha Língua-Portugeza.
 
"Durante tinan neen nia laran ita prepara ita nia rekursu umanus kuadru dosente ne'ebé ba oin presiza servisu mesak liu-liu atu fó formasaun, orientasaun monografia em termos Língua-Portugeza no sertifikasaun ba nível formasaun ida ne'e mak durante ne'e sira aprende", Tenik Profesór.
 
Projetu FOCO ne'e dezeña ba tinan haat hahú husi 2019 to'o 2022, maibé tanba covid-19 prolonga tiha to'o 2024 mak foin remata nia projetu refere.
 
#TimorLeste #UNTL #VRPAAGQ 17 Janeiru 2025
Média 📃: Domingos Amaral
Foto📸: Agostinho da Cruz