Universidade Nacional Timor-Lorosa’e (UNTL) nia Magnifíku Reitór Prof. dr. João Soares Martins, MPH, Ph.D hamutuk ho reprezentante Komandante Polísia Munisípiu Díli, Inspetór Xefe Lino Matos atribui sertifikadu ba formandu hamutuk 36 ne’ebé termina ona sira-nia formasaun orden unida durante fulan ida.
Magnífiku Reitór agradese ba Polísia Nacional Timor Lorosa’e (PNTL) ne’ebé fó ona formasaun orden unida ba estudante no funsionariu sira.
“UNTL agradese ba PNTL Munisípiu Díli ne’ebé apoiu ona formasaun kona-ba téknika isar-bandeira ne’e nian, tanba nia importánsia ne’e boot tebes hodi tane espíritu nasionalizmu patriatizmu no respeitu Bandeira Nasional, nudar Simbolu Soberania nasaun nian. Liuhusi formasaun ne’e mós hatudu mudansa rezultudu pozitivu iha kontinuidade isar-bandeira”, dehan Reitór iha Sala-Videokonférensia (13/08).
Reprezentante Komandante Polísia Munispiu Dili, Inspetór Xefe Lino Matos hateten, ho formasaun ne’ebé formandu sira hetan sai hanesan bukae ida hodi bele aplika iha UNTL.
“Ho formasaun ne’ebé ita boot sira hetan ona hanesan bukae ida, espera bele aplika hodi hadia di’ak liutan isar-bandeira iha UNTL no ami prontu nafatin atu apoiu imi iha formasaun sira bainhira imi presiza”, dehan Inspetór Polísia Matos.
Eventu refere akompaña husi formadór ba Orden Unida Inspetór Polísia Afonso da Silva no membru sira.
Média UNTL 
: Domingos Amaral
: Domingos AmaralFoto 
: Domingos Amaral
: Domingos Amaral