Universidade Nacional Timor Lorosa’e (UNTL) nia English Language Center (ELC) servisu hamutuk ho Ekipa voluntáriu husi Estados Unidos America, realiza Eventu Feira Karreira no Workshop 2024 ho tema “How to Write a Resume and Cover Latter” durante loron rua, iha Kampus FEAH-Liceu, Díli (24/06).
Iha entervista Diretora Departamento Centro de Língua Inglesa, Mestra Belina Maia do Rosario hatete, eventu ne’e hanesan feira kareira ho espetativa atu fó apoiu ba estudante sira liuliu ba finalista sira hodi hatene oinsá halo CV nune’e bele aplika ba vaga servisu tuir kritéria ne’ebé iha.
“Objetivu husi workshop ne’e atu halibur estudante finalista sira husi UNTL, inklui instituisaun sira seluk no universidade privada sira atu mellora sira-nia abilidade iha hakerek CV no rekerimentu hodi aplika ba servisu nomós prepara sira oinsa tuir entrevista ba servisu nian ho nune’e iha futuru bele iha ona koñesimentu ba hakerek CV nian”, dehan Diretora.
Diretór ne’e hatutan, durante loron rua ne’e partilla kona-ba How to Write a Resume and Cover Latter, Financial Literacy, What is Entrepreneurship no Mental Health in College.
Estudante Jesan de Sá Benevides hateten, liuhusi workshop ne’e sira aprende kona-ba halo rezumu ba hakerek Curiculum Vitae (CV) no karta aplikasaun ba servisu tuir nia kritéria ne’ebé iha no parte seluk mak aprende kona-ba diferensia CV no rekerimentu.
“Ohin ita-nia Oradór partilha ona kona-ba oinsa hakerek CV no rekerimentu tuir kritéria sira hodi aplika ba servisu nian iha faze sira ne’ebé iha nomós ida ne’e sai hanesan bukae ne’ebé diak tebes mai ha’u, nune’e bele aplika vaga ruma tuir espriénsia ne’ebé ha’u aprende ona iha futuru bele manan vaga ruma”, dehan partisipante Benevides.
Média UNTL 
: Eugenia de Jesus
: Eugenia de JesusFoto
: Eugenia de Jesus no Domingos Amaral
: Eugenia de Jesus no Domingos Amaral