MAGNÍFIKU REITÓR HO DELEGADA FUNDASAUN ORIENTE DISKUTE KOOPERASAUN

Fundasaun Orienta

#TimorLeste #UNTL #FundaçãoOriente 18 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, akompaña husi Visereitór no Proreitora hala'o reuniaun ho Delegada Fundasaun Oriente iha Timor-Leste, Sra. Joana Saraiva, hodi ko’alia kona-ba asuntu kooperasaun ne'ebé implementa ona, no iha futuru.

Durante diskusaun iha Sala Video Konferénsia UNTL nia, Díli (18/02) ne’e, parte rua (UNTL ho Fundasaun Oriente) diskute kona-ba kooperasaun sira ne'ebé antes ne iha ona no planu ba futuru reforsa liután kooperasaun ne'e, liuliu foku iha rekursu umanu no formasaun sira.

Partisipa iha reuniaun ne'e, Visereitór ba Asuntu Akadémika no Garantia Kualidade, Profesór Doutór Samuel Venancio de Sousa Freitas, no Proreitora ba Asuntu Kooperasaun, Profesora Doutora Lidia Gomes, SKM, M.D. no Delegada Fundasaun Oriente iha Timor-Leste, Sra. Joana Saraiva.

Média UNTL 📝: Agostinho da Cruz e Silva
Foto 📷: Agostinho da Cruz e Silva