Universidade Nacional Timor Lorosa’e (UNTL) nia Vise-Reitora Para os Asuntos Estudantis (VRAE) Dra. Lígia Tomás Correia, halo abertura ba I Discução Café Jénero 2025, ho tema “Mulheres e a Caminhada na Política: Transformando Sociedade Com Coragem e Comprimisso", iha Auditóriu FCS Kaikoli, Díli (11/03).
“Atividade diskusaun kafé jéneru ne’e, atu fahe esperiénsia no informsaun bazeia ba polítika jéneru iha rai-laran liuliu iha universidade. Aleinde diskusaun ne’e ita mós komemora loron Feto Internasional nian, iha loron 8 fulan Marsu 2025 liubá”, Dehan Vise-Reitora.
Vise-Reitora hatutan, orgullu ho prezensa eis membru parlamentu sira, tanba partilla ona sira-nia esperiénsia kona-ba feto nia envolvementu iha tempu rezisténsia to’o iha vida polítika nian, nune’e sai mós motivasaun ba akadémiku sira.
Atividade diskusaun ne’e organiza husi Gabinete Vise-Reitoria Para os Assuntos Estudantís (GVRAE) no oradora sira mai husi eis-deputada sira. Aleinde ne’e partisipa husi dosente, funsionáriu no estudante sira.
Media UNTL
: Domingos Amaral
: Domingos AmaralFoto
: Denilson Amandio Barros
: Denilson Amandio Barros