Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH,Ph.D simu ona rezultadu provizóriu avaliasaun akreditasaun ho valór A ba Departamento de Engenharia Mecânica iha FECT husi Ajensia Nacional ba Avaliasaun no Akreditasaun Akadémika (ANAAA) iha Salaun Pusat Budaya Indonesia (PBI), Dili (10/3).
ANAAA distribui rezultadu refere sei ho kategoria provizoriu ba Avaliasaun no Akreditasaun Instituisional Prográmatika iha Tinan 2024. Tanba hein prazu validasaun tempu to’o loron 15 ba instituisaun sira ne’ebé seidauk konkorda bele halo reklamasaun antes publika iha Jornal da República.
Aleinde ne’e ANAAA distribui mós ba Universidade Privadu sira ne’ebé sumbete ona ba avaliasaun iha tinan 2024.
Partisipa husi Ministru Ensinu Superior Siénsia no Kultura (MESSK) S.E José Honório da Costa Jerónimo, Diretór Ezekutivu ANAAA nian, Dr. Nilton Paiva Mau, eis Prezidente Konsellu Diretivu Doutor Azevedo Lourenço da Costa Marçal no Presidente Konsellu Diretivu Doutór Xisto Martins, Dekanu FECT-UNTL, Profesór Adalfredo da Silva Ximenes, Reitór sira husi institutu privadu no públiku, diretór departamentu, dosente no konvidadu sira.
Media UNTL
: Leonia de Araújo da Costa
: Leonia de Araújo da CostaFoto
: Leonia de Araújo da Costa
: Leonia de Araújo da Costa