Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH,Ph.D, halo abertura ba Atividade Reflorestasaun aumezmu tempu hodi selebra Loron Domin nian (Valentine Day), iha São João Paulo II Tasi-Tolu, Díli (14/02).
"Ita-nia dever maka kuida ambiente atu kontribui ba redusaun risku Mudansa Klimátika no husu ba estudante sira atu habelar liután atividade sira hanesan ne'e ba eskola sekundáriu sira no influénsia joven sira seluk atu iha vontade hodi kontribui ba atividade sira.
Agradese ba Estudante Hadomi Natureza (ESHANA) ho espíritu voluntarizmu no vontade hodi organiza atividade reflorestasaun hodi selebra loron domin", Dehan Reitór.
Iha fatin hanesan, Koordenadór Estudante Hadomi Natureza (ESHANA) Inocencio Mauputar C. de Deus, hatete, atividade reflorestasun (Kuda ai kakeu oan) ne'e sai hanesan esperiénsia murak ida hodi influénsia akadémiku sira atu bele kuidadu ambiente.
"Espera liuhusi atividade reflorestasaun ne'e estudante sira bele iha espíritu voluntarizmu hodi kuidadu ambiente ne’ebé hanesan mós uma-komun", Dehan Inocencio.
Atividade reflorestasaun ne’e nu’udar mós atividade ida ba komemorasaun Dies Natalis UNTL nian ba 25 ne’ebé sei komemora iha tinan ne’e ( 17 Novembru 2000-2025).
Partisipa iha atividade reflorestasun ne'e Visereitór, Dekanu, Diretór Jeral, Diretór Nasional, Xefi Departamentu no estudante sira.
Média 
: Mario J. Mendonça
: Mario J. MendonçaFoto
: Artur Ramos & Leonia de Araujo
: Artur Ramos & Leonia de Araujo