Universidade Nacional Timor Lorosa’e (UNTL) nia Diretór Jerál Gabinete Certificação dos Docente Universiatário (GabCEDU), Profesór Rui da Cruz, iha Kampus Sentral, Díli (7/10) informa, rejime kareira dosente ba faze datoluk nian hamutuk na’in-sanulu resin neen (16).
“Proposta ne’ebé ita submete ba Ministério Ensino Superior Ciênçia no Cultura (MESCC) hamutuk nain sanulu resin ne’en (16), maibé nain ne’en mak pasa liuhusi proseu avaliasaun sira, tuir rekizitus esensial iha komponente haat mak hanesan ensinu transferénsia, investigasaun, servisu komunidade no abilitasaun literaria”, Dehan Diretór Jerál.
Diretór ne’e mos salienta, despaxu husi MESCC hodi komunika ofisialmente ba universidade nia dosente na’in-ne’en 6 ne’ebé pasa no propoen ba progresu ba tinan 2024 ne’e.
“Iha semana kotuk ne’e ita hetan ona despaxu ida husi MESCC hodi prosesa dosente nain-neen ne’ebé pasa ba rejime kareira dosente ba faze datoluk nian no prosesu sira-ne’e lao ho transparansia no husu nafatin ba sira ne’ebé la pasa atu nafatin prienxe tuir komponente haat ne’ebé mak sai indikadór ba dosente sira”, Dehan Diretór.
Dadaun ne’e dosente sira ne’ebé hetan ona progresaun hamutuk nain 348 ne’ebé kompostu husi faze dauluk nain 310, faze daruak na’in 32 no faze datoluk nain 6 ne’ebé sei iha prosesu hela.
Media
: Eugenia de Jesus
: Eugenia de JesusFoto
: Laurindo da Cruz
: Laurindo da Cruz