Universidade Nacional Timor Lorosa'e (UNTL) nia Estudante Hadomi Natureza (ESHANA) realiza atividade Jornada Lao Ain ba dala XI, iha ámbitu komemorasaun loron FALENTIL iha 20 Agustu (1975-2024), iha Kuartél Jerál Fatuhada, Díli (08/13).
Xefe Departamentu Atividade Estrakurikulár UNTL nian Sr. Joviano Salves Reis dehan, Jornada Lao Ain ne’e hodi selebra loron Falentil nian no apresia tebes jornada ne'e, estudante sira sei aprende no rona kona-ba istória iha fatin turístiku ne'ebé uluk eroi sira abrigu ba.
"Husi Jornada ida-ne'e estudante sira sei aprende no rona tutan kona-ba ba istória iha fatin istóriku ne'ebé uluk eroi sira abrigu ba.
Espera katak sira bele hetan esperiénsia no aprende istória ba luta libertasaun nian, nune'e bele hametin espíritu patriotizmu no nasionalizmu iha vida universitáriu nian", dehan Joviano.
Iha fatin hanesan Xefe Estadu Maior Jeneral F-FDTL S.E Domingos Raúl Falur Rate Laek, senti orgullu tanba joven universitáriu sira iha vontade di’ak atu aprende istória Timor-Leste nian iha fatin turístiku sira liuhusi jornada lao ain atu komemora loron Falentil nian.
"Ha’u haksolok tebes tanba joven universitáriu sira tun direita ba fatin istóriku hodi aprende istória Timor-Leste nian, manifesta imi-nia unidade no respeitu, tulun malu iha jornada ne'e no espera iha imi-nia asaun sira ne'e bele iha hanoin inovativu no krítika iha futuru”, tenik Xefe Estadu Falur Rate Laek.
Iha sorin seluk, Vise Kordenadora ESHANA Elizia Joana Gusmão, agradese ba F-FDTL ne'ebé durante ne'e apoiu atividade jornada lao ain, ho objetivu atu tane aas nafatin no dignifika eroi no eroina sira-nia sakrifísiu no luta ba rai ida-ne'e.
"Husu ba membru sira atu banati tuir saida mk eroi no eroina sira husik hela mai ita liuhusi sira-nia istória, tanba ne'e aprende istória Timor-Leste nian sai hanesan valór ba jerasaun foun sira atu kontrubui ba paz iha rai ida-ne'e liuhusi unidade no respeitu", dehan Joana.
Atividade Jornada La’o Ain ne'e hala’o durante loron ualu (
hahú la’o ain husi Baucau-Kaibada mai Díli.
hahú la’o ain husi Baucau-Kaibada mai Díli.Partisipa husi Xefe Estadu Maior F-FDTL S.E José da Costa Soares "Trix" Xefe Gabinete Ministeriu da Defesa, Estrutua F-FDTL no Estudante sira.
Média UNTL 
: Mario J. Mendonça
: Mario J. MendonçaFoto 
: Domingos Amaral
: Domingos Amaral