Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH,Ph,D hamutuk ho Diretór Human Rights Center (HRC) Dr. Armindo Maia ho nia ekipa halo abertura ba treinamentu ne’ebé foku ba “Direitus Humanus no Diplomasia” husi Rejiaun Asia Pasífiku.
Reitór hato'o parabéns ba ekipa ne'ebé servisu iha asuntu direitus humanus ligadu ho programa sira ne’ebé HRC iha, ne'e importante tebes ba foinsae sira atu kapasita koñesimentu joven sira-nian kona-ba direitus umanus.
"Parabéns ba Human Right Center ne’ebé hala'o ona atividade barak no husi atividade sira-ne'e kapasita joven sira-nia koñesimentu hodi bele hanorin ema atu defende ema nia direitu tuir dalan loos", dehan Reitór.
Diretor Sentru Direitus Umanu Dr. Armindo Maia hatete, atividade refere atu fó formasaun koba-ba direitu umanu no diplomasia iha Timor-Leste, durante semana rua ba partisipante sira husi rai-laran nomós rai-liur hamutuk ema na’in-tolunulu (30).
"Espera durante semana rua-ne'e, partisipante sira bele aprende didi’ak kona-ba direitu umanu, diplomasia no justisa tradisional atu kombate violénsia direitus humanus iha Timor-Leste", dehan Diretór.
Oradór ba treinamentu ne'e, Diretor Training Programme Sr. Patrick Early, Diretora Ezekutivu Juditial System Monitoring Programme Sra. Ana Paula, Head of Capacity Development, Global Campus of Human Right, Sr. Adriano Remiddi.
Iha abertura partisipa husi Diretora Disiplina Transversais nian, Profesora Zelina Roteiro, Dosente, Estudante no Konvidadu sira.
Média UNTL 
: Mario J. Mendonça
: Mario J. MendonçaFoto 
: Domingos Amaral & Leonia Araujo
: Domingos Amaral & Leonia Araujo