SÍVITAS AKADÉMIKA UNTL PRESTA OMENAJEN BA MATEBIAN DOM BASÍLIO DO NASCIMENTO

Escrito por Mateus Goncalves Visualizações: 3116
248986930 4629236963764319 2183724614968721814 n
 
#TimorLeste #UNTL #COVID19 #COVID19TL 31 Outubru 2021 - Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, hamutuk ho Sívitas Akadémika UNTL nian presta omenajen ba matebian Dom Basílio do Nascimento, Igreja Catedral Nossa Señora Imaculada da Conceição, Díli (31/10).
 
247459595 4629236590431023 8102512828038914381 n
 
 
Rev. Dom Basílio do Nascimento, nu’udar Bispo Dioseze Baucau nian, hakotu iis iha Hospital Nacional Guido Valadares (HNGV) Díli, ho idade tinan 71 (14 juñu 1950-30 Outobru 2021) tanba sofre moras fuan.
Korpu-prezente Dom Basílio do Nascimento nian, oras ne’e sei tau iha Igreja Catedral Díli, no tuir ajenda sei lori ba Dioseze Baucau iha loron 1 fulan Novembru 2021, hodi hein seremónia funébre ne’ebé sei realiza iha loron 4 fulan Novembru iha Igreja Catedral Baucau.
 
245790987 4629237510430931 7987773206089074994 n
 
Partisipa iha omenajen ne’e, Magnífiku Reitór universidade nasionál nian akompaña husi Visereitora ba Asuntu Estudantís, Profesora Eng.ª Lígia Tomas Correia, M.Sc, Visereitor ba Asuntu Pos-Graduasaun no Peskiza Profesór Doutor Afonso de Almeida, Padre Kapelaun UNTL, Pe. Nívio Lebre Correia, Fdcc, Diretór-Jerál, Diretór Nasionál, Dekanu, Dosente, Funsionáriu inklui estudante sira.
Média UNTL 📝 : Adelaide da Cunha
Foto 📷 : Adelaide da Cunha, Arkivu Média Guardamór