Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH,PhD, iha Isár-Bandeira inísiu fulan abril nian iha Kampus Faculdade Educação Artes e Humanidades (FEAH ), hatete, FEAH nia ezisténsia importante ba nasaun liuliu dezenvolvimentu setór edukasaun, tanba atu forma profesór ho kualidade hodi sai manorin di’ak ba jerasaun foun sira.
"Husu ba profesór sira la’ós atu transmite de’it siénsia, maibé hatudu responsabilidade, obrigasaun no dever atu kuda valór étika no morál ba estudante sira. Nune'e iha futuru sira bele sai manorin ne'ebé di’ak ba Ensinu Pre-Eskolar, Ensinu Básiku, Ensinu Sekundáriu no Ensinu Superior iha Timor-Leste", Dehan Reitór iha Kampus Liceu, Díli (7/25).
Reitór hatutan, papél profesór sira-nian importante tebes, tanba sira mak sai lideransa hodi hanorin sosiedade sai sivilizadu no edukadu liuliu hanorin jerasaun foun sira.
“Atu termina hato'o parabéns no agradese ba parte hotu nia kolaborasaun no servisu liuliu ba FEAH ne'ebé responsável ba koru no korpu Isár-Bandeira”, dehan Reitór.
Partisipa husi Visereitór, Proreitór, Dekanu, Visedekanu, Diretór Jeral, Diretór Nasional, Xefi Departamentu, Dosente no Estudante sira.
Media UNTL
: Mario J. Mendonça
: Mario J. MendonçaFoto
: Domingos Amaral
: Domingos Amaral