Universidade Nacional Timor Lorosa'e (UNTL) nia Centro Nacional de Investigação Científica (CNIC) realiza konferénsia akadémika ho tema “Reflexão Nacional Sobre O 50.˚ Aniversário da Proclamação da Independência de Timor-Leste” iha Auditóriu, Faculdade de Ciências Sociais, Caicoli, Díli (28/03).
Magnífiku Reitór Profesór dr. João Soares Martins, MPH,Ph.D, hatete, tinan ne'e Timor Leste halo aniversáriu Indepedénsia Bilateral 28 Novembru 1975 ba dala 50, tanba ne'e UNTL hakarak konvida lider luta na'in S.E Kayrala Xanana Gusmão mai partilla istória luta iha tempu funu nian.
"Ohin ita konvida Primeiru-Ministru S.E Kayrala Xanana Gusmão mai iha ne'e hodi dokumenta istória luta ba funu iha tinan 1975, nian nune'e ami bele elabora livru ida kona-ba reflesaun tinan 50 aniversáriu no espransa ba futuru oinsá, tanba ne'e espera katak partisipantes sira bele aproveita aprende direta husi PM", dehan Reitór.
Oradór, PM S.E José Kayrala Xanana Gusmão hatete, Povu Timor-Leste terus no hetan torturasaun oioin husi invazaun Indonesia tempu naruk hahú husi funu 1975 to'o liberta, tanba ne'e joven sira tenke aprende makaas hodi kontribui ba dezenvolvimentu sustentavél nian, maske nune'e dezafiu sempre iha antes susesu.
"Timor-Leste terus tinan naruk, hetan torturasaun no oho iha Tinan 1975 husi militar Indonesia sira no ohin loron ita liberta ona, tanba luta eroi no lider sira-nian.
Joven no estudante sira, imi iha ne'e mak tenke luta makaas ba dezenvolvimentu sustentavél Timor-Leste nian, la’ós sai ona enjiñeiru hatene ona buat hotu, tenke buka atu aprende no prátika barak atu bele kontribui", dehan Lider Nacional ne’e.
Iha reflesaun ne'e modera husi eis Reitór, Profresór Dr. Aurelio Guterres, no organiza husi Centro Nacional de Investigação Cientifika (CNIC), Diretór José António Lourenço da Costa.
Partisipa husi Ministru Ensinu Superior Siénsia no Kultura nian, S.E José Honorio da Costa Jerónimo, Visreitór, Proreitór, Diretór Jerál, Diretór Nacional, Diretór ba Sentru sira, Eis Reitór, Dekanu Fakuldade de Ciências Sociais nian, Profesór Dr. Alarico da Costa Ximenes ho estrutura, Diretór Departamentu, Dosente, Funsionáriu, estudante no konvidadu sira.
Media UNTL
: Leonia de Araújo da Costa
: Leonia de Araújo da CostaFoto
: Altur Ramos
: Altur Ramos