Universidade Nacional Timor Lorosa’e (UNTL) liuhusi Faculdade de Educação Artes e Humanidades (FEAH), Departamento de Ensino Física nia estudante Elidio da Costa Agusto, hatete atividade voluntáriu no estrakurrikulár importante atu envolve no aprende.
“Ha’u senti kontenti no interesadu tebes ho konteúdu semináriu ne’ebé oradora partilla. Ne’e sai hanesan bukae ida mai ha’u, oinsa atu envolve a’an iha atividade voluntáriu no atividade estrakurrikulár iha UNTL nian”, dehan Elidio iha sesaun palestra ho tema “Importansia Envolvimentu husi Jerasaun-Z iha Organizasaun Voluntáriu no Perspetiva Sosiál”, iha ámbitu Orientasaun Akadémika loron daruak nian, ne’ebé partilla husi RYLA Timor-Lorosa’e ho ekipa iha Kampus Liceu, Díli (25/03).
Iha aprezentasaun oradora husi RYLA Timor Lorosa'e Lucrecia de Araujo dos Reis dehan, nia aprezentasaun foku atu enkoraja no motiva estudante sira bele envolve iha organizasaun sira nune’e bele haklean esperiénsia no koñesimentu.
“Liuhusi sesaun ida-ne’e atu partilla kona-ba envolvimentu estudante sira oinsa importansia servisu voluntáriu hodi hasa’e sira-nia koñesimentu abilidade nian iha organizasaun no atividade estrakurrikulár UNTL nian hodi gaña oportunidade sira, nune’e uza abilidade sira hodi prátika iha sosiedade.”, Dehan Oradora Lucrecia.
Media UNTL
: Eugenia de Jesus Guterres
: Eugenia de Jesus GuterresFoto
: Eugenia de Assunção (Estajiária)
: Eugenia de Assunção (Estajiária)