Universidade Nacional Timor Lorosa’e (UNTL) liuhusi Faculdade de Agricultura nia estrutura husi Departamento de Saúde Animal (DSA) nian hamutuk ho Delegasaun husi Department of Agriculture, Fisheries and Forestry (DAFF) husi Governu Australia nian Dr. Anand Deo ho Dr. Hendrk Camphor, akompaña husi estudante sira vizita fasilidade prátika hakiak manu broiller ne’ebé konstrui husi estudante sira iha Hera.
Objetivu husivizita ne’e atu atu haree fatin hakiak manu broiller nian, nune’e ba oin bele mellora liután kualidade nu'udar laboratóriu ne’e iha futuru, nune’e mós sei apoiu fasilidade prátika nian iha Departamento de Saúde Animal.
Profesór Alipio de Almeida husi Departamento Saúde Animal nian ne’ebé akompaña delegasaun sira ne’e hatete, sira-nia prezensa atu haree kondisaun hakiak manu ne’ebé konstrui husi estudante sira iha Hera.
“Delegasaun ne'e husi Department of Agriculture, Fisheries and Forestry husi Governu Australia nian, dadaun ne’e buka hela dalan atu servisu hamutuk ho Departamento de Saúde Animal iha Faculdade de Agricultura nian, hodi hadia kualidade ensinu no apoiu fasilidade prátika nian ne’ebé departamentu ne’e presiza”, hatete Profesór Alipio.
Profesór Alipio hatutan, liuhusi apoiu ne’e ba futuru Departamento Saúde Animal mós sei sai sentru treinamentu ba graduandu sira ne’ebé remata ona kursu no grupu agrikultór sira ne’ebé hakiak animál.
Média 
: Agostinho da Cruz
: Agostinho da CruzFoto
: Denilson A. Barros
: Denilson A. Barros