Universidade Nacional Timor Lorosa'e (UNTL) liuhusi Faculdade de Ciências Sociais (FCS) nia Dekanu, Profesór Dr. Alarico da Costa Ximenes informa, bazeia ba OJE 2025 ne'ebé universidade aloka, fakuldade sei ezekuta ba atividade prioridade rua mak Estájiu Servisu Sosial nomos Peskiza.
"Bazeia ba OJE 2025 ne'ebé fakuldade simu husi universidade, mak fakuldade nia planu prioridade prinsipál ba tinan ida ne'e iha item rua Peskiza no Estajiu Servisu Sosial, Prátika no Dirijidu, Dehan Dekanu iha nia knaar fatin, FCS-Caicoli, Díli (22/01).
Dekanu salienta, bainhira fakuldade iha programa seluk mak sei halo proposta adisional ba universidade hodi implementa programa ne'ebé refleta ba pilár universidade nian.
"Fundu seluk sentraliza iha universidade kona-ba semináriu, worshop no revizaun kurríkulu, maibé ne'e fakuldade halo proposta hafoin universidade tetu no análiza hodi haree nia benefísiu hafoin aprova", Tenik Dekanu.
