𝐔𝐍𝐓𝐋-𝐅𝐄𝐂𝐓 𝐒𝐄𝐑𝐕𝐈𝐒𝐔 𝐇𝐀𝐌𝐔𝐓𝐔𝐊 𝐇𝐎 𝐌𝐂𝐈 𝐏𝐑𝐎𝐃𝐔𝐙 𝐌Á𝐊𝐈𝐍𝐀 𝐌𝐎𝐃𝐄𝐑𝐍𝐔 𝐁𝐀 𝐊𝐎𝐌𝐔𝐍𝐈𝐃𝐀𝐃𝐄

474001858 122140706834385439 4521692707246827087 n
Universidade Nacional Timor Lorosa'e (UNTL), nia Faculdade de Engenharia Ciência e Tecnologia (FECT) kooperasaun ho Ministério Comércio e Indústria produz mákina modernu sanulu resin ida (11) hodi distribui ba komunidade iha munisípiu (6) mak hanesan, Baucau, Covalima, Manufahi, Liquiçá, Manatuto no Bobonaro.
 
Iha entrevista Vise-Dekanu ba Asuntu Koopersaun no Peskiza (FECT), Mestre Domingos de Sousa Freitas hatete, projetu refere realiza, tanba liuhusi kooperasaun entre UNTL ho MCI ne’ebé antes ne’e halo ona peskiza kona-ba produsaun tua sabu, loke nuu kulit no hamaran produtu lokál sira.
 
"Projetu ne'e ita servisu hamutuk entre FECT-UNTL ho Ministério Comércio e Indústria no ami identifika komunidade sira ninia atividade hanesan prodús tua sabu, loke nuu kulit no hamaran produtu lokál sira. Nune'e FECT ho MCI, liuliu Departamentu Enjeñaria Mekánika dadaun ne'e produz ona mákina atu ajuda komunidade sira atu halais prosesu produsaun”, Tenik Vise-Dekanu iha Kampus FECT Hera, Díli (13/01).
473993184 122140707530385439 510675875472833153 n
Diretór Departamentu Enjeñaria Mekánika, Mestre Mario Marques Cabral, hateten projetu refere sei finaliza iha fulan ne'e no mákina tein tua sabu 7 remata ona, mákina loke nuu kulit no mákina sira seluk sei iha prosesu atu finaliza.
 
"Ami sei finaliza projetu ne'e iha fulan janeiru nia laran, no traballadór sira mai husi produtu fakuldade nian liuliu husi estudante finalista no alumni Departamentu Mekánika nian, no dezafiu ne'ebé ami hasoru dala ruma eletrisidade mate ami la bele halo servisu maibé ha'u garante ami sei finaliza projetu ne'e iha tempu badak," Dehan Diretór.
473992038 122140706708385439 7104617157780275938 n
Produsaun mákina ne’e reponsavel husi Departamentu Enjeñaria Mekánika no apoiu tékniku husi Alumni no Finalista husi Departamentu ne’e rasik no Mákina ho tipu 4 mak hanesan Mákina produz Tua Sabu (7) Mákina dulas nuu kulit (2), Mákina press nuu (1) no Mákina hamaran produtu lokál (1).
 
#TimorLeste #UNTL #MCI #FECT #DEM 17 Janeiru 2025
Média 📃: Denilson Amandio Barros
Foto📸: Mario Jonio Mendonça & Agostinho da Cruz