Universidade Nacional Timor Lorosa’e (UNTL) nia Visereitór Para os Asuntos Académico e Garantia Qualidade (VAAGQ) Profesór Dr. Samuel Venâncio de Sousa Freitas anúnsia, kalendáriu akadémiku liuliu prosesu ensinu semester-impár nian sei hahú iha 17 Fevereiru 2025.
‘’Kalendáriu akadémika ba anu eskolár 2025 nian, ita-nia aula ba estudante segundu anu ba leten nian sei hahú iha 17 Fevereiru tuir kalendáriu ne’ebé iha, ba fulan Janeiru tomak ne’e ita halo de’it inskrisaun no kalendáriu akadémika ne’e distribui ona ba fakuldade sira atu bele tuir kalendáriu refere’’, hatete Visereitór iha Kampus Sentral UNTL nian, Díli (13/01).
Profesór Samuel mós hatutan, aula-normal ba estudante sira tenki hasoru malu durante 16 hodi bele halo ezame.
“Aleinde aula ba estudante tuan sira, ba estudante foun 2025 nian, ne’e ita sei hein publikasaun lista estudante husi komisaun rekrutamentu estudante (CAES), iha Ensinu Superiór, bainhira mak CAES prontu ona anunsia naran alunu ne’ebé atu tama iha UNTL, bainhira públika sedu ita reajusta ituan kalendáriu ne’ebé iha ona’’, dehan.
Antes ne’e UNTL liuhusi Konsellu Jerál aprova ona lista estudante foun asesu UNTL hamutuk rihun haat sianulu resin lima (4095) mak haruka ba MESSK.
Média 
: Laurindo da Cruz Gomes
: Laurindo da Cruz GomesFoto
: Eugenia de Jesus Guterres
: Eugenia de Jesus Guterres