𝐔𝐍𝐓𝐋-𝐅𝐀𝐃𝐈𝐑 𝐒𝐈𝐌𝐔 𝐋𝐈𝐕𝐑𝐔 𝟏𝟒𝟓 𝐇𝐔𝐒𝐈 𝐄𝐌𝐁𝐀𝐗𝐀𝐃𝐎𝐑𝐀 𝐓𝐋 𝐈𝐇𝐀 𝐁𝐑𝐀𝐙𝐈𝐋

472911590 122139682406385439 478873237399511944 n
Universidade Nacional Timor Lorosa’e (UNTL) liuhusi Faculdade de Direito (FADIR) nia Dekanu Profesór José Tomás Alves simu apoiu livru hamutuk atus ida haatnulu resin lima (145) husi Embaxadora Timor-Leste iha Brazil Sra. Maria Angela Viegas Carrascalão, iha sala Video-Conferensia UNTL nian, Díli (8/01).
 
Dekanu FADIR Profesor José Tomás Alves hato’o agradese ba Embaxadora, tanba bele esforsu hodi halo kontaktu ho eis dosente no jurista sira iha Portugal no Brazil hodi hetan livru sira hodi oferese ba FADIR no Livru sira ne’e utíl tebes atu bele ajuda estudante sira elabora sira-nia monografia.
 
“Livru sira ne’ebé ita simu maioria espesífika liuba Direitu no Istória Igreja Katólika nian no ida-ne’e ajuda tebes fakuldade atu bele tulun estudante sira buka referénsia ba elabora monografia.
Agora livru sira-ne’e ami sei tau iha fakuldade no ami mós espera katak ajuda ne’e labele para iha ne’e de’it, maibé sei kontinua nafatin”, Dehan Dekanu FADIR.
 
Iha fatin hanesan Embaxadora Timor-Leste iha Brazil Sra. Maria Angela Viegas Carrascalão hatete, livru sira-ne’e atu bele tulun estudante sira hodi estuda no sai referénsia ba sira atu peskiza no elabora sira nia traballu ikus.
 
“Ida-ne’e hanesan ha’u-nia kontribuisaun ba fakuldade hodi ajuda estudante sira, tanba ita haree iha Timor-Leste susar tebes atu asesu ba livru sira nomós estudante sira susar tebes atu sosa livru Direitu, tanba presu boot tebes, livru sira-ne’e koalia kona-ba Direitu no Istória”, Tenik Embaxadora.
 
Média 📃: Laurindo da Cruz Gomes
Foto📸: Laurindo da Cruz Gomes