Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, ho estrutura simu vizita Sekretáriu Ezekutivu Comunidade dos Países de Língua Portuguesa (CPLP), Dr. Zacarias Albano da Costa ho ekipa, iha Kampus Resende (FEG) UNTL nian, Díli (13/03).
Iha entrevista Reitór hateten, vizita CPLP refere atu aprezenta sira-nia programa no projetu, ne'ebé iha ligasaun ho universidade sira liuliu kestaun dosente sira-nian.
"Ita simu vizita delegasaun husi CPLP ne'e atu rona aprezentasaun ba programa no projetu CPLP nian, nune'e UNTL husu, CPLP atu hetan oportunidade ba profesór internasionais sira, bele hola parte iha ekipa juri hodi halo ezaminasaun ba teze iha kursu mestradu nian", hateten Magnífiku Reitór.
Partisipa iha vizita ne'e, Visereitór, Proreitór ba Asuntu Kooperasaun Profesór Tomé Xavier Jerónimo, dekanu, vise-dekanu, dosente, ekipa delegasaun husi CPLP nian no estudante sira.
Média UNTL:
Denilson Amandio Barros
Denilson Amandio BarrosFoto:
Domingos Amaral
Domingos Amaral