Universidade Nacional Timor Lorosa'e (UNTL) liuhusi Faculdade de Direito (FADIR), simu doasaun livru hamutuk 31 husi Instituto Brasileiro de Direito de Família (IBDFAM), iha Kampus Sentral, Díli (7/7).

Doasaun ne'e atu hametin rekursu bibliográfiku no suporta prosesu aprendizajen, peskiza, no hasa'e kualidade akadémika ba estudante no dosente sira iha área Direitu.

Partisipasaun husi Embaixadór Brasil iha Timor-Leste, Sr. Ricardo José Lustosa Leal, Vise-Reitór ba Assuntu Akademiku (VRAA), Prof. Câncio Monteiro, Dekanu Interinu Faculdade de Direito, Prof. Estevão Fernandes Sanches, ekipa Revista Direito em Movimento, lidera husi Sra. Yanka Albertin no ekipa.