Universidade Nacional Timor Lorosa’e (UNTL) liuhusi Centro Estudo de Género Diversidade e Inclusão (CEGDI) servisu hamutuk ho Gabinete Provedoria dos Estudantes (GPE) kontinua habelar Programa Kampus Seguru no maneira kombate violénsia bazeia ba jéneru ba estudante husi Faculdade de Medicina e Ciência da Saúde (FMCS) no Faculdade de Turismo, Artes Industrias Creativas e Culturais (FTAICC).

Sensibilizasaun ne’e lokaliza iha Auditóriu FEG, Díli (29/09), atu hasa’e konsiénsia kona-ba forma asédiu sexual no instrumentu legál ba proteje vítima no fornese edukasaun ba prevensaun violénsia bazeia ba jéneru. Nune’e estudante sira bele brani atu relata ba parte akonsellamentu nian hodi halo prevensaun no responde ba violensia bazeia ba generu iha nivél universitária.

Partisipa husi Reprezentante Vice-Reitora para os Assuntos Estudantís (VRAE) atuál Xefe Departamento Alumni e Empregabilidade Sr. Elvino Correia, Diretora CEGDI Profesora Dra. Dulce Martins da Silva, Provedor dos Estudantes Pe. Nivio Correia Lebre, FDCC, Asistente Tékniku GPE no CEGDI inklui estudante FMCS no FTAICC.