Universidade Nacional Timor Lorosa'e (UNTL) nia Magnífiku Reitór, Profesór Dr. Joviano António da Costa, M. Eng ho Head of Development Cooperation and Counsellor husi Embaixada Kanadá, Sra. Alice Birnbaun inisia diskusaun hodi hametin kooperasaun ba futuru.

Enkontru ne'e hala’o iha Videokonferénsia UNTL, Díli (24/07) ho objetivu atu hametin koperasaun entre instituisaun rua, (1) introdús programa bolsa estudu ne'ebé Governu Kanadá oferese ba UNTL tuir estatutu Timor-Leste hanesan membru ASEAN, (2) esplora oportunidade atu promove mobilidade akadémika, (3) hametin kooperasaun ho universidade sira iha Kanadá, (3) loke oportunidade ba estudante no dosente UNTL atu kontinua estudu no dezenvolve kapasidade iha futuru.

Enkontru ne'e akompaña husi Proreitór ba Asuntu Kooperasaun, Profesór Cristovão dos Reis, Ph.D., hamutuk ho funsionáriu sira husi UNTL.