Universidade Nacional Timor Lorosa'e (UNTL) nia Magnífiku Reitór, Profesór Dr. Joviano António da Costa, M.Eng hamutuk ho estrutura presta omenajen ba Saudozu Pe. João de Vasconcelos Baptista Felgueiras, SJ, iha Igreja Balide, Díli (06/07).

Prejensa estrutura universidade nian liuhusi omenajen ne'e, hatudu respeitu no agradesimentu ba kontribuisaun boot ne'ebé Saudozu fó durante nia vida tomak ba área edukasaun, igreja no dezenvolvimentu rekursu umanu iha Timor-Leste.

Akompaña husi Proreitór sira, Diretór sira, Dekana Faculdade de Filosofia e Ciências Humanas, Professora Madre Esmeralda Piedade de Araújo, xefe departamentu sira, no funsionáriu universidade nian.