Universidade Nacional Timor Lorosa’e (UNTL) nia Administrador Geral (AG) Profesór José Dionizio Ximenes, prezide reuniaun ho Komisáriu Comissão Função Pública (CFP) Sr. José Telo Soares Cristovão iha Gabinete AG Kampus Sentral nian, Díli (22/07).

Objetivu husi reuniaun ne’e atu deskute kona-ba forsa traballu ba UNTL no halo ajustamentu orsamentu ba rekrutamentu dosente nian nomós haree ba servisu funsionamentu administrasaun. Aleinde ne’e foku mós kona-ba formasaun ba dosente sira tuir grau ne’ebé eziste iha universidade.

Reuniaun ne'e partisipa husi Diretór Nasional Planeamentu Finansa, Sr. Egidio do Santos Filipe, Diretór Nasional Rekursu Humanu Profesór Carlito Malicode, Xefe Departamentu sira ho Ekipa CFP.