Universidade Nacional Timor Lorosa’e (UNTL) nia Magnífiku Reitór Prof. Dr. Joviano António da Costa, M.Eng, asina Memorandum of Understanding (MoU) ho Dekana Fakultas Ilmu Kesehatan (FIKES), Universitas Nacional (UNAS), Sra. Retno Widowati, iha Gabinete Reitoria UNTL, Díli (09/09).

Kooperasaun ne’e, atu hametin relasaun entre UNTL no UNAS, liuliu iha área Enfermajen, liuhusi oportunidade foka ba dezenvolvimentu akadémiku, partilla koñesimentu no esperiénsia, peskiza, formasaun, no atividade sira seluk ne’ebé bele kontribui ba profisionál Enfermajen iha Timor-Leste.

Partisipa husi Pró-Reitor para os Assuntos de Cooperação Prof. Dr. Cristóvão dos Reis, Profesora Teresa de Vaz Cabral husi Faculdade de Medicina e Ciências Saúde (FMCS) no Kepala Unit Penelitian Pegadaian Masyarakat dan Kerjasama (PPMK) UNAS, Prof. Dayan Husni.