Universidade Nacional Timor Lorosa'e (UNTL) nia Magnífiku Reitór, Profesór Dr. Joviano António da Costa, M.Eng., hasoru malu ho Vice-Presidente Mobile Network Operator Operation husi Telkomcel Sr. Laode Muhammad Ramadhan ho nia ekipa iha Videokonferénsia UNTL nian, Díli (19/10).

Objetivu husi enkontru ne’e atu hametin kooperasaun instituisaun rua iha área dijitalizasaun, liuliu atu apoiu dezenvolvimentu UNTL, aleinde ne’e buka solusaun teknolojia ba nesesidade no dezafiu sira ne’ebé universidade enfrenta.

Partisipa husi Pró-Reitor para os Assuntos de Cooperação Prof. Dr. Cristóvão dos Reis, Pró-Reitor para os Assuntos de Informatização, Transformação Digital e Inovação Eng. Frederico Soares Cabral, Diretora Diretora Nacional Informatica e Tecnologia (DNIT) Sra. Emancia E. S. Magno no ekipa tékniku husi Telkomcel.