Universidade Nacional Timor Lorosa’e (UNTL) nia Magnífiku Reitór, Prof. Dr. Joviano António da Costa, M.Eng., partisipa iha Simpóziu Timor-Leste OceanX: “Science for a Blue Future”, iha Centro de Convenções de Díli (CCD), Díli (28/08).

Simpóziu ne’e halibur reprezentante governu, sientista, peskizadór, dosente, estudante universitáriu no parseiru relevante sira, hodi fahe no analiza rezultadu no dadus sientífiku husi Misaun OceanX nian iha Timor-Leste 2025.

Organiza husi Governu Timor-Leste liuhusi Ministériu Komersiu Industria (MCI), Ministériu Turizmu no Ambiente no OceanX, iha kolaborasaun ho UNTL, hodi haforsa peskiza kona-ba tasi, promove “Ekonomia Azúl” no dezenvolve kapasidade sientífika Timoroan sira.

Estudante no alumni na’in haat husi Faculdade de Agricultura (FAGRI), Departamento de Peska e Ciência Marinha, partisipa nu’udar Timorese Scientists hodi fahe esperiénsia no perspetiva kona-ba peskiza mariña;

Oradór sira maka Joctan Lope (Marine ecologist interogative taxonomist Socio-ecological Modeler), Agostinho Rodrígues, National Authority of Petroleum (Enviromental inspection and investigation officer), Alzira de Jesús dos Santos (Coastal and Marine Resource specialist), Deonisio Manuel Ratu Lourdes Matos (Fisheries and Marine Science student UNTL)

Partisipa husi Primeiru-Ministru, Kay Rala Xanana Gusmão, Co-CEO and Chief Science Officer Ocean X Vicent Pieribone, CEO Land and Maritime Boundary Office Elizabeth Exposto, Vice-Reitor Para os Assuntos de Pós-graduação e Pesquisa Prof. Vicente de Paulo Correia, Membru Governu, Sientista, Peskizadór, Diplomata, Estudante no Konvidadu sira.