Universidade Nacional Timor Lorosa’e (UNTL) nia Magnífiku Reitór Profesór Dr. Joviano António da Costa M.Eng, asina akordu ho Universidade Nacional de Córdoba (UNC) nia Proreitór for Interuniversity Cooperation Profesór Dr. Rogelio D. Pizzi hodi hametin kooperasaun iha área oioin .

Akordu ne’e hala’o iha Videokonferénsia UNTL nian, Díli (10/06) hodi fó espasu ba hametin kooperasaun no apoiu iha área oioin liuliu kapasitasaun no troka esperiénsia iha era teknolojia nian.

Akompaña husi Proreitór ba Asuntu Kooperasaun nian, Profesór Cristovão dos Reis, Profesór da Escola de Saúde Pública na Faculdade de Medicina UNC nian Dr. Diego Almada ho ekipa no tékniku sira.