Universidade Nacionál Timor Lorosa’e (UNTL) nia Magnífiku Reitór, Prof. Dr. Joviano António da Costa, M.Eng., abertura semináriu Seguransa Sibernétika (Cybersecurity) ne'ebé organiza husi Ministério dos Negócios Estrangeiros e Cooperação (MNEC) no Japan International Cooperation Agency (JICA), iha Auditoriu Faculdade de Engenharia Ciência Tecnologia (FECT) Hera, Díli (23/10).

“Seguransa sibernétika importante tebes iha era dijitál, liuliu atu proteje sistema informasaun no seguransa dadus. Enkoraja partisipante sira atu partisipa ativu iha diskusaun no aplika koñesimentu ne’ebé hetan hodi haforsa kompeténsia iha área seguransa sibernétika iha Timor-Leste”, dehan Reitór.

Reitór hato’o agradesimentu sinseru ba MNEC, JICA, University Kebangsaan Malaysia, oradór sira no parte hotu ne’ebé envolve iha organizasaun atividade ne’e.

Eventu refere organiza husi MNEC ho JICA, enkuantu orador sira mai husi University Kebangsaan Malaysia.

Partisipa husi Advisor JICA Project Dr. ONO Yuji ho ekipa, Vise-Kanseláriu University Kebangsaan Malaysia, Professor Dato Dr. Sufian Jusoh Representante MNEC, Dekanu FECT ho nia estrutura, oradór no konvidadu sira.