Universidade Nacional Timor Lorosa’e (UNTL) nia Magnífiku Reitór, Prof. Dr. Joviano António da Costa, M.Eng halo abertura “Cimeira da Ciência para o Desenvolvimento 2026”, iha Auditóriu Faculdade de Ciências Social e Políticas (FCSP)-Caicoli, Dili (25/08).

Reitór hato'o apresiasaun sinsera ba Prezidénsia Repúblika, Governu Timor-Leste no ba ema hotu ne’ebé kontribui ba inisiativa importante ida-ne’e bele realiza.

“Ami sente previléjiu boot hodi kontribui ba Cimeira ida-ne’e, liu husi organiza no sai uma-na'in. Ami sente onra boot simu personalidade sira, ne’ebé servisu halo kontribuisaun notável ba siénsia, dame no dezenvolvimentu umanu. Sira-nia prezensa sai oportunidade valioza ba estudante, dosente no peskizadór sira”, dehan Reitór.

Reitór husu atu aproveita oportunidade ida-ne’e hodi troka ideia kona-ba oinsá koñesimentu ne’ebé hetan bele kontribui ba dezenvolvimentu nasaun.

Simeira ne'e organiza husi Prezidénsia Repúblika, Ministériu Ensinu Superior Siénsia Kultura (MESCC) no UNTL.

Palestra ne’e aprezenta husi oradór sira mak; (1) Mr. David Beasley “Peace, Dialogue, and Regional Cooperation: Timor-Leste’s Contribution to a More Peaceful Asia”. (2) Professora Frances H. Arnold no Professor Benjamin List “Contribution of Chemistry to Sustainable Development in Emerging Countries”

(3) Professor Konstantin Novoselov no Professor Brian P. Schmidt “Contribution of Physics to Sustainable Development in Emerging Countries”.

Partisipa husi Visereitór, Proreitór, Diretór, Xefia, Docente, estudante no konvidadu sira.