Universidade Nacional Timor Lorosa'e (UNTL) servisu hamutuk ho Ministry of Agriculture, Forestry and Fisheries (MAFF) husi Japaun, realiza Semináriu Internasional ho tema" Strengthening Food Safety Management Principles and Standard to Support Food Value Chain Development in Timor-Leste".

Reprezentante Reitór, atual Vice-Reitor Para os Assuntos de Pós-Graduação e Pesquisa (VRAPP), Prof. Dr. Vicente de Paulo Correia, hateten semináriu ne'e atu fó koñesimentu kona-ba ai-han seguru.

"Objetivu husi semináriu ne'e atu introdús kona-ba ai-han seguru, nune'e bele hasa'e koñesimentu agrikultór sira-nian, liuhusi movimentu sasan. Husu mós ba partisipante sira, atu tau atensaun ba esplikasaun husi oradór sira, hodi bele hatene ai-han sira ne'ebé durante ita konsumu", Dehan Visereitór iha Auditóriu FECT, Hera-Díli (25/08).

Estudante Baquita Aniceto Nunes, husi Departamento de Pescas e Ciência Marinha, Faculdade de Agricultura, hatete semináriu ne'e aprende kona-ba oinsá salva ai-han sira ne'ebé konsumu loron-loron.

"Ha'u aprende iha semináriu ne'e kona-ba hahan ne'ebé seguru, espera husi semináriu ne'e bele aumenta ita-nia hanoin hodi asegura no proteje. Tanba hahan ne'ebé seguru mai husi ita ema rasik, kuidadu nafatin ai-han ita sei saudável", Dehan Baquita.

Partisipa husi, Pró-Reitor Para os Assuntos de Cooperação, Prof. Dr. Cristóvão dos Reis, Project ASEAN-MAFF, Ms. Kazuko Takabatake, Mission of Japan to ASEAN, Mr. Kosaburo Shimose, Kompañia Privadu sira, Dosente, Konvidadu no Estudante sira.