Universidade Nacional Timor Lorosa’e (UNTL) nia Presidente do Conselho Geral, Pe. Acácio Domingos de Castro, SDB, prezide reuniaun ho membru Konsellu Jerál sira hodi diskute no aprova dokumentu importante sira universidade nian, iha sala Video-konferénsia UNTL, Díli (15/10).

Reuniaun ne’e atu analiza no aprova regulamentu sira ne’ebé sai baze ba funsionamentu no jestaun institusionál nian hanesan aprezenta no aprova Regimentu Konsellu Jerál, Regulamentu Konsellu Disiplinár, Kódigu Konduta (revizaun), no Regulamentu Sentru Investigasaun Sientífika UNTL.

Partisipa husi Magnífiku Reitór Profesor Dr. Joviano António da Costa, M. Eng., S.E. Ministra da Educação, Dra. Dulce de Jesus Soares (membru) no Membru Konsellu Jerál sira seluk.