Universidade Nacional Timor Lorosa’e (UNTL) nia Prezidente Komisaun Organizadora ba Graduasaun ba dá-la XXXIV atual Visereitór ba Asuntu Akadémiku nian, Profesór Dr. Câncio Monteiro hamutuk ho kordenadór kada sesaun no membru sira halo avaliasaun ba progresu no dezafiu sira durante atividade graduasaun nian ne’ebé realiza durante loron rua 25 Juñu no 29 Juñu tinan 2026.

Eventu avaliativu ne’e lokaliza iha Auditóriu Faculdade de Engenharia Ciência e Tecnologia (FECT) Hera, Díli (10/07) ho objetivu husi avaliasaun ne’e, Komisaun Organizadora hamutuk ho estrutura universidade, hodi avalia ba dezempeña servisu sira ho nia progresu no fallansu sira, nune’e bele hadia iha serimónia graduasaun sira tuir mai.

Partisipa iha avaliasaun ne’e Magnífiku Reitór Profesór Dr. Joviano António da Costa, M. Eng, ho estrutura, Xefe Seksaun sira, Xefe Departamentu, Funsionáriu no ekipa tékniku sira, inklui estudante voluntáriu sira.