Universidade Nacional Timor Lorosa’e (UNTL) nia Magnífiku Reitór Profesór Dr. Joviano António da Costa, M.Eng, simu vizita husi Institut Politeknik Bogor (IPB) nia Visereitór for Global Conectivity Mr. Iskandar Siregar no reprezentante husi KOICA-ICAB Profesór Ho Sang Kang, Videokonferénsia, Díli (6/07).

Objetivu husi diskusaun ne’e UNTL, IBP no KOICA-ICAB (Korea International Cooperation Agency-Capacity Building for the Centre for Agriculture and Bioscience) deskuti oinsá kooperasaun no implementasaun iha projetu peskiza iha área agrikultura no sei foku mós ba floresta, veterinária, saúde animal, inklui bolsa estudu ba Timoroan sira.

Akompaña husi Visereitór ba Asuntu Pós-Graduasaun no Peskiza nian, Profesór Vicente de Paulo Correia, Ph.D, Proreitór ba Asuntu Kooperasaun nian Profesór Cristovão dos Reis, Dekanu Interinu Faculdade de Agricultura nian, Profesór Graciano Soares Gomes ho estrutura no ekipa husi IPB no KOICA- ICAB nian.