Universidade Nacional Timor Lorosa'e (UNTL) nia Graduada Mestradu área Ensino de Português no Contexto de Timor-Leste Rosa Imaculada Conceição Saldanha dehan, nu’udar graduada hamriik prontu atu fó kontribuisaun ba Timor-Leste, tanba edukasaun mak dalan ba dezenvolvimentu.

Graduada Saldanha hatete, prosesu estudu bele ajuda aumenta koñesimentu, dezenvolve kapasidade profisionál no prepara an atu kontribui ba dezenvolvimentu nasaun.

"Ha’u hili área Ensino de Português no Contexto de Timor-Leste, tanba liga diretamente ho ha’u-nia área formasaun. Aleinde ne'e Língua Portuguesa hanesan língua ofisiál iha nasaun ne’e no importante tebes iha sistema edukasaun, husi ensinu báziku to’o ensinu superiór", dehan Mestrada Rosa.

Iha fatin hanesan António Soares Ximenes hatete, iha universidade no área edukasaun, presiza rekursu umanu ne’ebé iha kualifikasaun aas atu dezenvolve an iha futuru ho di'ak.

"Iha área edukasaun, bele aumenta kapasidade peskiza, hanorin no orienta estudante sira, nune’e fó kontribuisaun ba melloria kualidade edukasaun no dezenvolvimentu rekursu umanu iha Timor-Leste”, dehan Graduadu.

Iha períodu ida ne'e, UNTL gradua finalista ba Programa Pos Graduação e Mestrado hamutuk na'in lima nulu resin ida (51). Kompostu husi Mestrado em Direito Especialidade de Direito Público (1), Mestrado em Direito ( , Mestrado em Medicina Tropical e Saúde Comunitária (14), Mestrado em Engenharia ( , Mestrado em Ensino de Português no Contexto de Timor-Leste ( , Mestrado em Estudos da Paz e Conflito (2), Mestrado em Desenvolvimento Comunitário (2), Mestrado em Educação ( .