FB asina MoU hodi koopera …

FB asina MoU hodi koopera iha área ekonomia & dezenvolvimentu

𝐔𝐍𝐓𝐋–𝐅𝐁 𝐀𝐒𝐈𝐍𝐀 𝐌𝐎𝐔 𝐇𝐎𝐃𝐈 𝐊𝐎𝐎𝐏𝐄𝐑𝐀 𝐈𝐇𝐀 Á𝐑𝐄𝐀 𝐄𝐊𝐎𝐍𝐎𝐌𝐈𝐀 & 𝐃𝐄𝐙𝐄𝐍𝐕𝐎𝐋𝐕𝐈𝐌𝐄𝐍𝐓𝐔 - 1

Universidade Nacional Timor Lorosa’e (UNTL) nia Magnífiku Reitór, Prof. Dr. Joviano António da Costa, M.Eng., ho Diretora-Geral Fantiber Balance Unipessoal, Lda (FB) Sra. Fanny Junaedi asina Nota-Entendimentu (MoU), iha Videokonferénsia UNTL nian, Díli (27/10).

Objetivu husi MOU ne’e atu formaliza kooperasaun iha edukasaun no mundu servisu, liuhusi oportunidade estájiu, aprendizajen iha fatin servisu, dezenvolvimentu karreira, palestra, workshop, semináriu, partilla koñesimentu no esperiénsia. Aleinde ne’e foku mós ba envolvimentu profisionál sira iha atividade akadémika, aumenta kapasidade no empregabilidade ba estudante sira.

Partisipa husi Vice-Reitora para os Assuntos Estudantis Professora Doutora Bia Ble Hitu Carvalho de Jesus, Dekanu Faculdade de Economia e Gestão Profesor Filipe Mendes Pereira, Xefe Departamentu Alumni Empregabilidade Elvino Alves, Xefe Departamentu Kooperasaun Laurensiu Suni no ekipa husi FB.