Universidade Nacional Timor Lorosa'e (UNTL) liuhusi Faculdade de Ciências Sociais e Políticas (FCSP) nia Departamento de Políticas Públicas (DPP) realiza semináriu ho tema "O Contributo das Políticas Para a Reforma e Modernização da Administrativa em Timor-Leste" hodi komemora Dies Natalis ba XVIII (2008-2026), iha Auditóriu FCSP-Caicoli, DÍli (31/08).

Diretór DPP Profesór Xisto Maia hatete, semináriu ne'e hodi komemora ezisténsia DPP nian.

"Objetivu husi semináriu ne'e atu memoriza tinan sanolu ba kotuk ezisténsia departamentu hodi kontribui ba dezenvolvimentu nasional. Aleinde ne’e atu hametin amizade entre, estudante, alumni, mestradu DPP nian no dosente sira, tanba Departamentu Polítika Públika sai sentru aprendizajen hodi produs graduadu sira”, dehan.

Iha fatin hanesan Pró-Reitor para os Assuntos de Planeamento, Monitorização e Avaliação (PRAPMA) Professor Tomás Soares Xavier, M. Eng hatete, parte universidade nafatin fó apoiu ba departamentu.

"Universidade fó apoiu ba departamentu, liuhusi kualker atividade ne'ebé lori koñesimentu no siénsia ba estudante sira", dehan.

Proreitór ne'e mós husu ba estudante sira atu aproveita didiak oportunidade sira iha DPP hodi bele hetan buat foun ruma husi oradór.

Iha semináriu ne'e oradór mak Sr. Deonizio Babo Soares hodi ko’alia kona-ba oinsá polítika públika nia kontribuisaun administrasaun públika liuliu ba reforma iha tinan sanolu resin ualu liuba.

Partsipa husi eventu komemorativu ne’e tantu husi Vise-dekanu, dosente, alumni, estudante no konvidadu sira.